የደም አይነትና አመጋገብ
Beki Beki
ለደም አይነትዎ የሚመከሩ የምግብ አይነቶች
ለደም አይነትዎ የሚመከሩ የምግብ አይነቶች
туристический онлайн-справочник
Лучшие Андроид планшеты
አዲስ አበባ፣ የካቲት 4፣ 2007 (ኤፍ.ቢ.ሲ) ዶክተር ፒተር ዲ
አዳሞ የተባሉ የስነ ምግብ ምሁር “ትክክለኛ ምግብ ለትክክለኛ
የደም አይነት” በሚለው መፅሀፋቸው የእያንዳንዱን የደም አይነት
ባህሪያትና ለደም አይነቶቹ ተስማሚ ያሉትን የምግብ አይነቶች
አስቀምጠዋል።
እያንዳንዱ ሰው የደም አይነቱን ቢያውቅና ተገቢውን የምግብ
አይነት ቢመገብ ረዥም እድሜ፣ ጤናማ ኑሮ እና የተስተካከለ
ተክለሰውነት ይኖረዋል ነው የሚለው መፅሃፉ።
የደም አይነት (Blood Type) ለጤናማ ኑሮ ያለውን ጠቀሜታ
የሚገልፁት ዶክተር ፒተር፥ አንዳንድ ምግቦች ከደም አይነታችን
ጋር ሳይጣጣሙ ሲቀሩ ለበሽታ እንደሚዳርጉና ለሌሎች የደም
አይነቶች በአንፃሩ ጠቃሚ መሆናቸውን ይጠቅሳሉ።
አንዳንድ ባለሙያዎች በዶክተሩ ሃሳብ የማይሳማሙ ቢሆንም
መፅሃፉ 7 ሚሊየን ኮፒ መሸጡ አለማቀፍ ተቀባይነቱን ያሳያል።
እኛም ከመፅሃፉ የተገኙትን ምክሮች አቅርበናል።
አራቱ የደም አይነቶች
የደም አይነት “ኤ”
እንደ ዶክተር ፒተር ከሆነ ይህ የደም አይነት ከ20 ሺህ አመታት
በፊት ሰዎች ከአድኖ መብላት ወደ ግብርና ሲሸጋገሩ ነው
ጅማሬው። ስለሆነም ይህ የደም አይነት በአትክልትና ፍራፍሬ ላይ
የተመሰረተ ነው።
በዚህም “ኤ” የደም አይነት ያላቸው ሰዎች “ገበሬዎቹ” ተብለው
ይጠራሉ።
የደም አይነት “ኦ”
የረዥም እድሜ ባለቤት የሆነው “ኦ” ከ30 ሺህ አመት በላይ
እድሜ እንዳለው ይነገራል። የደም አይነቱ ከሌሎች የደም
አይነቶች በተለየ በፕሮቲን የበለጸገ ምግብ ይፈልጋል።
የደም አይነት “ቢ”
ለዚህ የደም አይነት ወተትና ወተት ነክ ምግቦች ወሳኝ ናቸው።
ይህን ተከትሎም የ”ቢ” የደም አይነት ያላቸው ሰዎች “ከብት
አርቢዎቹ” ወይም “አዳኞቹ” ተብለው ይጠራሉ። ይህ አይነት የደም
አይነት ለመጀመሪያ ጊዜ የታወቀው ከ10 ሺህ አመት በፊት
እንደነበር ነው የሚነገረው።
የደም አይነት “ኤቢ”
“ኤቢ” በቅርብ ጊዜ የተፈጠረ የደም አይነት መሆኑን ተከትሎ፥ ይህ
የደም አይነት ያላቸው ሰዎች የሚጠቀሙት የምግብ አይነት ከ”ኤ”
እና “ቢ” የደም አይነት ካላቸው ሰዎች የተለየ ነው።
ለእያንዳንዱ የደም አይነቶች የሚመከሩ የምግብ አይነቶች
ለደም አይነት “ኤ”
የሚጠቀሙዋቸው፦
ሁሉንም አይነት ጥራጥሬዎች (ከፓስታና ዳቦ ውጭ)፣ አትክልቶች፣
አቮካዶ፣ ኮክ እና አፕል እንዲሁም ፕሮቲን የያዙ እንደ ኦቾሎኒ እና
አኩሪ አተር
የማይጠቀሙዋቸው፦
ማንኛውም አይነት ስጋ እና ወተት እንዲሁም የወተት ተዋፅኦዎች
ለደም አይነት “ኦ”
የሚጠቀማቸው፦
የባህር ላይ ምግቦች(አሳዎች)፣ ቀይ ስጋ፣ የዶሮ ስጋ እና ሌሎች
ፕሮቲንን ልናገኝባቸው የምንችለው ምግቦች፣ ቆስጣ፣ የሀበሻ
ጎመን እና አበባ ጎመን ለዚህ የደም አይነት ተመራጮች ናቸው።
የማይጠቀማቸው፦
ጥራጥሬዎች (ምስር፣ ኦቾሎኒ፣ አተር)፣ የወተት እና እንቁላል
ውጤቶች እንዲሁም ከስንዴ እና ገብስ የሚዘጋጁ ምግቦች
ለደም አይነት “ቢ”
የሚጠቅማቸው፦
አረንጓዴ አትክልቶች፣ ፍራፍሬዎች፣ ቀይ ስጋ፣ አሳ
የማይጠቀማቸው፦
ማንኛውም ጥራጥሬና የቅባት እህሎች (ተልባ፣ ምስር፣ አተር፣
በቆሎ ወዘተ)፣ ኦቾሎኒ፣ የዶሮ ስጋ
ለደም አይነት “ኤቢ”
የሚጠቀማቸው፦
የባህር ላይ ምግቦች (የተለያዩ የአሳ አይነቶች)፣ የወተት
ውጤቶች፣ አትክልቶች፣ የጥራጥሬ እህሎች(አተር፣ አደንጓሬ፣
ባቄላ፣ ሀባብ፣ አፕል እና ሙዝ
የማይጠቀማቸው፦
በቆሎ፣ ቀይ ስጋ፣ ከመጠን በላይ የአልኮል መጠጥና ቡና
ከማብዛትም መቆጠብ ይገባል።
ከላይ የጠቀስናቸው ነጥቦች የምግብ ምርጫዎቻችን ከደም
አይነታችን ጋር ይጣጣማል ወይም ይጋጫል የሚለውን ያሳያል
ብለን እናምናለን።
ማንኛውም ተፈጥሯዊ እድገቱን ተከትሎ ያደገ የምግብ ዓይነትን
መመገብ ለሁሉም የደም አይነቶች ሊመከር ቢችልም ሀኪሞን
ማማከር ግን ተገቢ ነው የሚሆነው።
እንደ ኢትዮጵያ ባሉ ማህበረሰባዊና ቤተሰባዊ ግንኙነቱ
በተጠናከረበት ሀገር የደም አይነትን ለይቶ ለዚያው
የሚስማማውን ለመመገብ አስቸጋሪ ቢመስልም፥ ዋናው ነገር
ጤና ነውና የጤና ባለሙያዎችን በማማከር የምግብ ምርጫችንን
ማስተካከል ተገቢ ነው።
እስካሁን የደም አይነታችን የማናውቅ ከሆነም በቀላሉ
በአቅራቢያችን ካሉ የጤና ማዕከላት ማወቅ ይቻላል።
ምንጭ፦
Healthy Food Team
healthyfoodteam.co