ፈራን ፍቅር ፈራን ፖለቲካም ፈራን!
(አሌክስ አብርሃም)
ዛሬ በጧቱ ታክሲ ውስጥ የመጀመሪያ ፍቅረኛየን አስታወስኳት
....ለምን ? የምትጠቀመውን ሽቶ የተጠቀመች ሴት ታክሲ
ውስጥ ተሳፍራ ነው ? አይደለም! የጋበዘችኝ ሙዚቃ ታክሲ
ውስጥ ተከፈተ ? ኧረ በጭራሽ !! ብርዱ መተቃቀፍ ምናምን
አስታውሶኝ የሚመስለውም ጠርጣራ ይኖራል .....ግን ነገሩ
ወዲህ ነው ....የዛሬን አያድርገውና እሷ ጋር ስልክ ስደውል
ቤተሰቦቿ ፊት ከሆነች አወራራችን ያስቀኝ ነበር ....
እኔ ...አፈቅርሻለሁ
እሷ ... እዚህም እንደዛው ነው
በምን ትዛለችህ በሉኛ ... አንዱ ታክሲ ውስጥ ከጎኔ ተቀምጦ
ስልክ እያወራ ነበር ....ከዛ በኩል የሚያወራው ሰው ድምፅ
በደንብ ይሰማልኮ ስልኩ ላውድ ስፒከር ላይ እስኪመስለኝ
....እና በዛ በኩል የሚያናግረው ድምፅ
"ይሄ መንግስትማ ጠግቧል እንዴት እንደመረረኝ " አለ
ጎኔ የተቀመጠው ወደግራም ወደቀኝም ገልመጥ ገልመጥ ብሎ
አየና ድምፁን ቀነስ አድርጎ
"እዚህም እንደዚያው ነው "