What is on your mind? #Hashtag.. @Mention.. Link..

ፕሬዝዳንት ዶክተር ሙላቱ በኩባ ይፋዊ የስራ ጉብኝት እያደረጉ ነው
የውጭ ጉዳይ ሚኒስቴር ለኢዜአ በላከው መግለጫ እንዳመለከተው ፕሬዚዳንቱ ለጉብኝት ወደ ኩባ ያቀኑት የአገሪቱ ፕሬዚዳንት ራውል ካስትሮ ባደረጉላቸው ጥሪ መሰረት ነው።
ፕሬዚዳንት ሙላቱ በተለይ ሁለቱ አገሮች በትምህርት፣ በጤናና በቴክኖሎጂ ዘርፎች ያላቸውን ትብብር ለማጠናከር ከኩባ ባለስልጣናት ጋር እንደሚወያዩ ይጠበቃል።
በተያያዘ ዜና የውጭ ጉዳይ ሚኒስትር ዶክተር ወርቅነህ ገበየሁ ለይፋዊ የስራ ጉብኝት የተባበሩት አረብ ኤምሬትስ ዛሬ ገብተዋል።

በነገው ዕለትም ከአገሪቱ አቻቸው ሼክ አብዱላህ ቢን ዛይድ አል ናህያን እንዲሁም ከሰራተኛና የሰው ኃብት ሚኒስትር ጋር የሁለቱን አገሮች የሁለትዮሽ ግንኙነት ማጠናከር በሚቻልባቸው ጉዳዮች ዙሪያ እንደሚመክሩ በመግለጫው ተመልክቷል።

ኢትዮጵያና ሱዳን በጋራ ጉዳዮቻቸው የጀመሩትን ትብብር አጠናክረው እንደሚቀጥሉ ገለጹ።

ጠቅላይ ሚኒስትር ኃይለማርያም ደሳለኝ የሱዳን ኢታማጆር ሹም ሌተናንል ጄኔራል ኢማን አልዲን አዳዊን ዛሬ በጽህፈት ቤታቸው አነጋግረዋል።

ኢታማጆር ሹሙ ከፕሬዝዳንት ኦማር ሐሰን አልበሽር የተላከውን መልዕክትም ለጠቅላይ ሚኒስትሩ አድርሰዋል።
ጠቅላይ ሚኒስትር ኃይለማርያም ደሳለኝ ከኢታማጆር ሹሙ ጋር በሁለትዮሽ ግንኙነትና በቀጠናው ባሉ አገራት ጉዳዮችም መክረዋል።

ኢትዮጵያ የሱዳን ስትራቴጂክ አጋር መሆኗን የገለጹት ሌትናል ጄኔራሉ፤ አገራቱ በቀጣይ የጋራ ትብብራቸውን አጠናክረው ይቀጥላሉ ብለዋል።

አንዱን አገር የሚያጋጥም ፈተና ሁለቱን አገር እንደሚጎዳ ገልጸው፤ የሚያጋጥሙ ችግሮችን ለመግታት የሚደረገው ትብብር ተጠናክሮ እንደሚቀጥልም አረጋግጠዋል።
የሁለቱ አገራት የአብሮነት ስሜትና የትብብር መንፈስ ታላቁ የሕዳሴ ግድብ መገንባት ከጀመረ ወዲህ እየተጠናከረ መምጣቱን የገለጹት የጠቅላይ ሚኒስትሩ የሚዲያና ሕዝብ ግንኙነት ዴሊቨሪ ዩኒት ኃላፊ ሚኒስትር አቶ ዛዲግ አብረሃ ናቸው።

በዛሬው ውይይትም ይህ ትብብር ወደ ተሻለ ደረጃ የሚሸጋገርበት ሁኔታ ላይ እንዳተኮረ ገልጸው፤ ጠቅላይ ሚኒስትር ኃይለማርያም በኢትዮጵያ በኩል ያለውን ቁርጠኝነት አረጋግጠዋል።

የሁለቱን አገራት ብሔራዊ ጥቅምና የቀጠናውን ጥቅም ለማስከበር በተለያዩ አህጉራዊና ዓለም አቀፋዊ መድረኮች ላይ በጋራ የሚያደርጉትን ትብብር አጠናክረው እንደሚቀጥሉ አገራቱ መግባባት ላይ መድረሳቸውን አቶ ዛድግ ገልጸዋል።

ኢትዮጵያና ሱዳን ወዳጅነታቸውን በየጊዜው በማጠናከር ላይ ሲሆኑ ፕሬዝዳንት ኦማር ሐሰን አልበሽር ባሳለፍነው ዓመት መጋቢት ኢትዮጵያን በጎበኙበት ወቅት አገራቱ የኢኮኖሚና የፖለቲካ ውህደት መፍጠር፣ ለጋራ ሰላም አብሮ መንቀሳቀስ የሚያስችላቸውን ስምምነት መፈራረማቸው ይታወሳል።





Share

የባህር ዳር ዩኒቨርሲቲ ፕሬዝዳንት ዶክተር ባይሌ ዳምጤ አዲስ ለተሾሙት ለዶከተር ፍሬው ተገኘ ስልጣናቸውን በይፋ አስረከቡ፡፡
ያለፉትን 7 ዓመታት ዩኒቨርሲቲውን የመሩት ዶከተር ባይሌ ዳምጤ ከጎናቸው ለነበሩ ሁሉ ምስጋናቸውን አቅርበዋል፡፡

የባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘ እንደዚህ ዓይነቱ ግልፅ የሆነ የስራ ርክክብ ተቋማዊ ባህል ሆኖ እንደሚቀጥል ተናግረዋል፡፡
በፕሬዘዳንታዊ ምርጫው የዩኒቨርሲቲው ማህበረስብ ለነበረው ተሳትፎም ምስጋና አቅርበዋል፡፡

ዶ/ር ፍሬው ተገኝ ነገ ጥር 1 ቀን 2010 ዓ.ም በይፋ ስራቸውን ጀምረዋል፡፡
ባህር ዳር ዩኒቨርሲቲ ላበረከቱት አስተዋጽኦ ለዶክተር ባይሌ ዳምጤ ሽልማት አበርክቷል፡፡
ምንጭ፡-ባህር ዳር ዪኒቨርሲቲ